×

新导航介绍,点击查看

特別的雞給你特別的家宴

Terry TAM 发表日期 :2014-04-21 类型:家常/中餐
新进厨神 点击数 :5100
加为好友 发悄悄话 投票数 :0


 

話說點解會有呢個甘特別的家宴呢?就要從一個同老豆比較熟的農場主講起,早兩日呢個伯伯俾左只他自己農場養的雞,雞種系屬於增城的土雞,隻隻都系自家用穀物餵養,通果園走的走地雞,每隻都養到成8個月甘大的,成5~6斤一隻,甘大隻我地一家米有排吃,於是就由我家的大廚老豆顯露下身手啦!!一于整個一雞兩味嘆下,順便招呼幾個好友週末來共聚,飲翻兩杯!

 

 


 

一隻大冼雞望落都幾“皮光肉滑”的,走地雞睇得出無咩皮下脂肪,肉地幾結實。

 

 


 

老豆教落,睇雞要睇腳,就知道系你走地雞啦,而呢隻雞最好認的地方就係雞腳上面果個“枕”,越大就代表隻雞越夠身。

 

 


 

睇清D,系米好大個“枕”啊!!

 

 


 

一隻雞甘大,一雞兩味都完全唔系問題,蒸雞先啦。將只雞一分為二,然後再斬件,另外半隻要來打邊爐的都一樣甘斬件,備用!

 

 


 

呢個步驟好重要,就係要調味啦,嗱,要記住落咩啦:胡椒粉、麻油、鹽、糖、味精、料酒、食油,仲要加D姜,然後一齊用手攪拌均勻,跟住到落其他料啦,

 

 


 

蒸雞落咩配料呢就家家都唔同的,無話規定的,我地雞鍾意落冬菇、云耳、杞子同紅棗,

 


 

跟住呢個步驟老豆話好重要嘎,就係要用手將岩岩落好曬材料的雞去搞勻,搞勻的時候要俾D力,同時幫D雞做下“马杀鸡”,令雞肉的纖維曠張,吸收味道,甘只雞的肉質就更加彈牙好味啦。

 


 

搞勻完之後就上碟,然後等水滾就隔水蒸8分鐘左右,因雞的大小而掌握火候啦,“呢個要靠經驗啦,教唔到甘多咯”老豆講的。

 

 


 

雞髀肉!我最中意!

 


 

蒸好出爐啦,哇,香到啊,雞肉啱啱好熟,皮爽肉嫩!

 


 

靚雞就係連蒸出來的雞油都甘吸引的,陣陣雞香味,當冬菇同云耳吸收咗D雞味,更加香甜啊!

 

 


 

仲有半隻來打邊爐啦,不過甘無難度的野我老豆通常都要加D新意的,加個冬瓜呢,中間個窿就係要來放雞嘎啦。

 


 

用啱啱系雞身上面斬出來的邊角料(即系咩雞頭、雞頸、雞亦箭、雞腳)用來整個湯底,加入姜同鹽來調味就得啦,湯底再加D紅棗、杞子同淮山,小秘訣啊:干淮山要到最後再落,否則湯底會變酸的!大火滾后轉熄火焗一陣焗淋個冬瓜,甘湯底就搞掂啦!

 

 


 

同蒸雞一樣的材料腌好的雞,不過鹽可以落少D,因為可以點薑蔥啊!

 

 


 

成品出來啦!一邊慢火慢慢浸熟D雞,冬瓜又慢慢吸收雞湯的味道,呢只雞真系好有雞味啊,啖湯甜到不得了,打邊爐出來的肉質又香又嫩又滑,連雞湯都唔可以放過啊,走地雞?#092;動足,雞油唔算多,但系少少地已經好香,正啊!

 

 

 

我最愛的雞髀!!!

 



禮成,各位朋友,一起起筷,唔好客氣啦!!

本文作者精彩推荐

相关DIY推荐

网友留言

公告栏

近期热点

近期大奖活动