一个人的宵夜-上汤鲜虾鸡肉面

yoyo 发表日期 :2010-05-31 类型:家常/中餐
高级厨神一级 点击数 :7249
加为好友 发悄悄话 投票数 :4

同样係一个阿L训咗嘅夜晚,我又训唔着。

今晚晚餐外食,主食係粥,所以到呢个钟数我个肚煲咕咕叫咯,啉啉下我好似好耐好耐未食过宵夜啦,咁就一于自己动手煮宵夜喂饱自己啦!话时话,可能归根于我之前唔食宵夜我先瘦得咁快咋,加下得翻40几KG,唔怕啦,一于食餐咁多啦!

抄下冰箱,有清鸡汤喔!又有虾~正啊!一于上汤鲜虾鸡肉面啦!
真係好正,d鸡汤完全渗入面条入面,而且d汤又有虾仁鲜味,无得弹~!!个卖相真係拍得住d即食面包装嘅封面啊,哈哈!就差2条青菜喈!



虾仁颗颗弹牙爽甜,天啊!点解咁好食咖~~~无味精,用料干净,完全放心面!话时话啊,我加下好似得咗洁癖咁,成日外食嘅时候都觉得d嘢好唔干净咁啊,成日啉个厨师有无放d污糟嘢入去啦,个厨房有几邋遢啦,搞到我家下次次外食都好似食唔饱咁!但係上果次同阿L去咗大榕树度食嘢,我哋叫咗3个餸:上汤辣椒叶、梅香茄子肉丝煲、针菇牛肉。所有嘢都好好食,超有锅气添啊,我係外面好耐无食过d咁好味道嘅餸菜啦,不可能我真係好阉尖呱,不过讲得好听d就係对食有追求,哈哈!得不提嘅就係佢哋个例汤,真係有别于其他酒楼嘅例汤,甚至係专门煲嘅汤,佢哋嘅汤係完全住家味道,正啊!由于当时都成8点几啦,我哋送完货又要整车,搞到我哋个肚煲都咕咕叫,所以都无影相啦,下次有机会再去影咗相先贴地址啦!



5.30 宵夜



今日我好攰咖其实,拉过d网线又执嘢啊咁,搞到我真係周身骨痛啊,其实今日真係无乜嘢发生,而且我都无打算写日记,就係响煮咗宵夜之后,突然想更新下先影相,就咁影食嘅又好似斋咗d,就随手影多咗几张,好似好耐无揸相机咯,搞到技术都好麻麻!台面比较乱,哈哈,大家将就下



只猫仔好得意,超级调皮又爆肚,哈哈,阿L送咖,一套有9只,哈哈!



5.30 宵夜

关键字:鸡肉鲜虾鸡汤

本文作者精彩推荐

相关DIY推荐

网友留言

公告栏

近期热点

近期大奖活动